Шексіз ғарыш әлемі

Сәкен Сейфуллин кентінің кітапханасында 2019 жылдың сәуір айының 12 жұлдызында оқырман балалармен 12 сәуір — Ғарышкерлер күні жас ұрпақтың отаншылдық сезімін оята отырып, елін, жерін сүюге тәрбиелеу мақсатында №136 ЖЖОББ мектептің 4 сынып оқушыларына «Шексіз ғарыш әлемі» атты танымдық-ойын бағдарламасын өткіздік. Оқу залында балалар назарына кітапхана қорынан «Ғарышқа саяхат» атты кітап көрмесі ұйымдастырылды. Мақсаты: оқушыларға ғарыш әлемі, ғарышкерлер туралы мағлұмат беру.

Ғарышкерлер күні – қашанда жарқын әрі есте қалатын оқиға. Ерте заманнан планеталар мен жұлдыздардың жұмбақ әлемі адамдардын назарын өздеріне тартатын. Балалар да ғарыштың жұмбақ сырларын білуге құмартады. Кітапханашы балаларды әлемдегі тұңғыш ғарышкер – Юрий Гагариннің өмірімен және қызметімен, жалпы ғарыш тарихымен, Қазақстанның бірінші ғарышкері – Тоқтар Әубәкіровпен және Ғарыш — айлағы Байқоңырмен таныстырып өтті.

Шара барысында балалар ойын түрінде екі топқа бөлініп сұрақтар арқылы зымыран мен ғарышкер құрастырды.

Шара кітап көрмесі бойынша шолумен аяқталды. Оған 10 бала қатысты.