Поэзия падишасы-Фариза

Шілде айының 16 күні Сәкен Сейфуллин атындағы кітапханасында «Поэзия падишасы-Фариза» атты поэзиялық кеш кітапханамыздын клуб мүшелері мен тұрақты оқырмандардың қатысумен өткізілді.

Кеш поэзия сүйер оқушылардың қазақтың ақын қызы, Қазақстанның халық жазушысы Фариза Оңғарсынованың маржан поэзиясымен тілдесулеріне, ақынның поэзияға, Отанға, тілге, мәдениетке, қазақ халқына деген сүйіспеншілігін танып, өмірімен, ақындық қырларымен танысып, рухани байлықтарын толықтыруларын мақсат етті. Киелі поэзия әлемінде өзіндік үні, өзіндік сыры, өзіндік бояуы мен ажары бар, сырлы да нәзік өлеңдерімен оқырман қауымын елең еткізіп, жырымен тербеген, есімі халыққа кең танымал дарынды қазақ қызының өлеңдерін нақышына келтіре оқыған оқушылар өздері үшін ipілігі мен парасаттылығы, поэзиядағы орны, өлеңдерінің құндылығы уақыт өткен сайын айкындала түсетін ақынның поэзия әлемінің көптеген парақтарын ашты. Поэзия кешімізде Фариза Оңғарсынованың өлеңдері оқылды, «Қазақтың ақын қызы» атты кітап көрмесі қойылып,оқырмандарға таныстырылды.