Қазақтың дана-Қадыры

2020 жылдың 13 қантарда Сәкен Сейфуллин атындағы кітапханасында Қазақстан Республикасының Халық жазушысы, қазақтын көрнекті ақыны Қадыр Мырза Әлінің 85 жылдығына орай «Қазақтың дана-Қадыры» атты әдеби сазды кеш кітапханамыздын клуб мүшелерімен өткізілді. Мақсаты: Қадыр Мырза Әлидің өмір жолы, ақындық қызметі туралы әңгімелеу. Поэзияны сүюге, қадір тұтуға тәрбиелеу.

Кеш барысында Қадыр ағамыздың өлендері оқылып, ««Қадыр-найзағайлы ақын»атты кітап көрмесімен таныстырылды.

Ақын ағамыздың тұнықтықтан жаралған поэзиясы, өлең жырлары болашақ ұрпақтарымыз үшін жол көрсетер шырағданы, үлгі тұтар бойтұмары болары анық. Таланты мен еңбекқорлығын ұштастыра отырып артына өлмес мұра қалдырған тамаша талант иесі Қадыр ақынның орны бүгінгі ұрпақ орны ерекше екенін мақтанышпен айтамыз! Аяулы Атамекенін «Күннің өзі ұясына, қимай оны батады екен» деп сипаттаған ақынның жырлары ұрпақты мәңгілік жадында.Кеш соңында Қадыр ағамыздың сөзіне жазылған Ескендір Хасанғалиевтің «Атамекен» әнін Ермек Аружан мен Смагулова Динара орындады.