Кітапхана саласының майталманы

Сәкен Сейфуллин атындағы кенттік кітапханамызда Қазақстанның еңбек сіңірген қайраткері, 40 жылдан астам өмірін кітапхана ісін дамытуға жұмсаған маман Роза Аманғалиқызы Бердіғалиеваның 75 жыл толуына орай «Кітапхана саласының майталманы» атты танымдық сағат өтті. Шараға мәдениет үйінің қызметкерлері мен

7-8 сынып оқушылары келіп қатысты. Іс-шарамыздың мақсаты: Роза Бердіғалиеваның өмір жолы, еңбек қызметі туралы әңгімелеу. Еңбекті сүюге, қадір тұтуға тәрбиелеу.

Шара барысында өмірбаяны,білімі,еңбегі туралы айтылып, Роза Бердіғалиева туралы видиоролик көрсетілді. «Әлем таныған кітапханашы» атты жаднама таратылды.

Роза Аманғалиқызының жоғары адамгершілік және кәсіби қасиеттері, өнегелі өмірі бүгінгі және болашақ кітапханашылар үшін үлгі болып қала береді.